گته: رضا بئوته جان مه مدها بیاموbiyâmu

تیرما tirə mâسیزه علی دنیا بیامو

گته خُلعت حیدری و عرش اعلا بیامو

ختم پَیغَمبر مبارکبا بیامو

 

گته اصغر بئوته جان آقا منه علی یه

گفتار اصغر زبون زرگریه

دواونه کوی سر حد مال شاهیه

به غیر از یا علی اون نجه هیش کی نشی نه(našinə)


گته حضرت عباس جده تنه سنگینه

سفره تنه چلب و منزل تنه رنگینه

دوس تنه خشحال و دشمن تنه غمگینه

ته مجلس نشیر امیرالمومنینه


گته دریوهه دله بدیمه یک ستاره

قنبر به جلو شاه مردون سواره

یا شاه مردون برس مه مدّها ره

کشه بزنم قبر ایمام رضا ره


یا ایمام رضا قربان گمبت تو

قربان بزرگی و عدالت تو

روز هزار بار اننه زیارت تو

منه ببوسم کنای دولت تو daulətətu


گته بورم کربلا، کربلا چننه خواره

خاک کربلا تمام زاری و زاره

جناب زَینب حوسین عزا داره

معصومه در قم رضای انتظاره


گته کدوم گله که وه هر صوا در انه

کدوم گله که وره دماسی حرف انه

کدوم گله که بوی محمد انه

کدوم گله که تا به قیامت انه

اون گل آفتاب آ وه هر صوا درانه

اون گل قرآن آ وره دماسی حرف انه

اون گل گل سرخه بوی محمد انه

اون گل پمبو ئا تا به قیامت انه


کتوم پارچه ئو که وه رنگ نکرد کهوئه

کتوم شمع که شب تا صوایی وه سوئه

کتوم تیغ که وره اسسا چکش نزوئه

کتوم اسب که وه ما نکرد کروئه

پارچه آسمونه و وه رنگ نکرد کهوئه

اون شمع ستاره ئوآ وه شب تا صوایی سوئه

اون اسب دلدل و وه ما نکرد کروئه

تیغ ذوالفغال آ اسا چکش نزوئه


گته کدوم سبزه سبزه ی با صفائه

کدوم در که ونه پون طلائه

کدوم شخصه که در نرسسی در وائه

کدوم شخصه که وه نخونس ملائه

سبزه ی بهشت سبزه ی با صفائه

در بر بهشت ونه پون طلائه

شخص امیرالمومنین آ در نرسسی وه وائه

شخص محمد صلوات الله وه نخونس ملائه


کدوم شخصه که کاکل طلای تاجه

کدوم شخصه که اسم همه جا رواجه

کدوم شخصه که شهبر بکشیه هوا ره

کدوم شخصه سوخن بئوته خدا ره

اون شخص محمد صلوات الله کاکل طلای تاجه

اون شخص امیرالمومنین آ اسم همه جا رواجه

اون شخص عزرائیل آ شهبر بکشیه هوا ره

موسی کوی طور سخن بئوته خدا ره


گته کدوم شهر که وه کدخدا نداینه

کدوم مرغه که پر داینه و پا نداینه

کدوم سوره که وه بسم الله نداینه

کدوم نمازه قول هو والله نداینه

اون شهر بهشت هسه و وه کدخدا نداینه

اون مرغ ماهیه و پر داینه و پا نداینه

سوره برات وه بسم الله نداینه

نماز میت قول هو والله نداینه


گته ونه بدونیم اببل و آخر کیه

ونه بدونیم پیر منور کیه

ونه بدونیم ساقی کَوثر کیه

ونه بدونیم شافه ی مَحشر کیه

اببل آ آخر خلاق بی همتائه

پیر منور محمد صل الله ئه

ساقی کوثر علی شیر خدائه

شافه ی محشر فاطمه ی زهرائه